Tuesday, July 31, 2012

தமிழ்நாடு எக்ஸ்பிரஸ் தீ விபத்து:

இக்கோரச் சம்பவத்தில் உயிரிழந்தவர்களின் குடும்பத்தார்க்கு ஆழ்ந்த இரங்கலைத் தெரிவித்துக் கொள்கிறோம்.

     காயமுற்றவர்கள் விரைவில் குணமடையவேண்டும் என்ற விருப்பத்தையும் தெரிவித்துக்கொள்கிறோம்.
தென்னக ரயில்களில் முதன்மையான ரயில் எனக் கருதப்படும் தமிழ்நாடு எக்ஸ்பிரஸ் விபத்துக்குள்ளானது பயணிகளிடையே அச்சத்தை ஏற்படுத்தியுள்ளது.
ரயில் விபத்துக்கு காரணமாக , போதிய ஊழியர்களை பணிக்கு அமர்த்தாதது, பணித்திறன் குறைந்த ஊழியர்களை ஒப்பந்த அடிப்படையில் அமர்த்துவது, தண்டவளச் சிதைவுகளை கண்காணிப்பதில் கவனக்குறைவு, காலத்திற்கேற்ற நவீன தீ விபத்து தடுப்புக்கருவிகள் இல்லாதது ஆகியவையே எனக் கம்யூனிஸ்ட் கட்சிகள் குற்றம் சாட்டியுள்ளன.

Sunday, July 22, 2012

ரமலானை வரவேற்போம்!!!
ரமலானை வரவேற்போம்!!!
 
                 புனிதமும்,கண்ணியமும்,ரஹ்மத்தும் நிறைந்த மாதமான ரமலான் மாதமிது. ஈமான் கொண்ட அனைவரும் இந்த மாதத்தில்  தங்களுடைய 5 கடமைகளில் ஒன்றான நோன்பை நிறைவேற்றி அல்லாஹ்வின் பொருத்தத்தை அடைய ஆவலாகவும், சந்தோஷமாகவும் உள்ளனர்.
                 ஏனென்றால் நோன்பு முஸ்லிம்களின் உள்ளங்களிலும், வாழ்க்கையிலும் நல்லதொரு மாற்றங்களை ஏற்படுத்துவதோடு மட்டுமல்லாமல் அடுத்து வருகின்ற பதினோரு மாதங்களுக்குக்கான ஒரு பயிற்சியாகவும் உள்ளது. மேலும் முஸ்லிம்களுக்கு இது ஒரு வசந்த காலம் என்று கூறும் அளவுக்கு நன்மைகள் பொதிந்து கிடக்கின்றன.
             இறைவனை நினைவு கூர்தல், தர்மம் செய்தல், நோன்பு நோற்றல், ஐவேளை தொழுதல், இரவுநேர வணக்கங்கள், சொல்-செயல்-எண்ணங்கள் என்று அனைத்திலும் இறையச்சத்தை பேணுதல் என்று ஒரு அமைதியான, நிம்மதியான சூழலை ரமலான் நம்மிடையே ஏற்படுத்தி விடுகின்றது.ரமலானின் முழு பலனையும் அனைவரும் அடையவேண்டும் என அன்புடன் வாழ்த்துகிறோம்.

Saturday, July 21, 2012

இன்கம்டாக்ஸ் ரிட்டர்ன்:
மாதச் சம்பளம் மட்டுமே பெறும் ஊழியர்கள் தங்களது மொத்த வருமானம் ரூ.5 லட்சத்திற்கு குறைவாக இருந்தால் (சேமிப்புகளை கழித்தது போக) இன்கம்டாக்ஸ் ரிட்டர்ன் பண்ணத் தேவையில்லை.
உத்தரவு எண்: Central Board of Direct Taxes (CBDT) vide its Notification No. 9/2012 dated 17th February, 2012
தகவல்:

நீங்கள் BSNL லேண்ட்லைன் வைத்திருந்தால் http://www.flash.bsnl.co.in/ என்ற இணையதளத்திற்குள் சென்று உங்களது மின்னஞ்சல் முகவரியையும் மொபைல் எண்ணையும் பதிவு செய்தால் தொலைபேசி பில் உங்களது மின்னஞ்சல் முகவரிக்கு வந்து சேரும்.
உங்களது மொபைலில் நினைவூட்டல் சேவையும் கிடைக்கும்.

Friday, July 20, 2012

மாமதுரை அழைக்கிறது


மாறி வரும் சூழ்நிலையில்
புதிய தொழில் நுட்ப சவால்களை சமாளிக்க
இருக்கும் ஊழியர்கள் அருகி வரும் சூழ்நிலையில்
இயக்கத்தின் செயல்பாட்டில் புதுமை படைக்க
BSNL வளர்ச்சிக்கு திட்டமிட
BSNL ஐ சீர்குலைக்கும் அரசின் முயற்சிகளை எதிர்கொள்ள
நிர்வாகத்தின் ஊழியருக்கெதிரான போக்குகளை மாற்றி அமைக்க
கூடல்நகரில் கூடுவோம்
மாநாடு சிறக்க சிறப்பான பங்களிப்பை தாரீர்

- மதுரை மாவட்ட வரவேற்புக் குழு

Thursday, July 19, 2012

IDA உத்தரவு

ஜூலை முதல் உயர்ந்துள்ள 4.8 சத IDAவிற்கான உத்தரவு வெளியாகியுள்ளது.

உத்தரவு எண்: No.14-1/2012 PAT(BSNL)  Date 19.07.2012
கலைஞர் டிவிக்கு வந்த ரூ.52 கோடி: ஜே.பி.சி சந்தேகம் எழுப்புகிறது.
 
கலைஞர் டிவி கடனாகப்பெற்ற ரூ.200 கோடியைத் திருப்பிச் செலுத்துவதற்காகப் பல வழிகளில் பணம் திரட்டப்பட்டுள்ளது. இதில் கொல்கட்டாவை மையமாகக் கொண்டு செயல்படும் 18 நிறுவனங்கள் டிவி சேனலுக்கு ரூ.52 கோடி அளித்துள்ளன. இதற்கு பங்குகள் ஏதும் ஒதுக்கப்படாமலேயே இந்த தொகை திரட்ட்டப்பட்டுள்ளது. இந்த 18 நிறுவனங்களும் போலியானவை என்ற சந்தேகம் எழுந்துள்ளது. இந்த நிறுவனங்களின்  முந்தைய கால நடவடிக்கைகள் குறித்து விசாரித்து வருவதாக மத்திய நேரடி வரி விதிப்பு ஆணையம் பாராளுமன்ற கூட்டுக்குழுவிடம் தெரிவித்துள்ளது.

Tuesday, July 17, 2012

மதுரையில் நடக்கவிருக்கும் மாநில மாநாட்டுக்கு நிதியை அள்ளித் தாருங்கள்.
அதே நேரத்தில் மாநாட்டை வெகு சிறப்பாக நடத்துவதற்கான உங்கள் ஆலோசனைகளையும் கருத்துக்களையும் வரவேற்கிறோம்.
 
உங்களது ஆலோசனைகளையும் கருத்துக்களையும் கீழே கொடுக்கப்பட்டுள்ள மின்னஞ்சல் முகவரிக்கு அனுப்பவும்.
தோழர். ஞானையாவுடன் சந்திப்பு:
      நமது இயக்கத்தின் மூத்த தலைவர்கள் இன்றும் நாளையும் தோழர். ஞானையாவுடன் கடந்த கால அரசியல், தொழிற்சங்க நிகழ்வுகளை பகிர்ந்து கொள்ளவிருக்கின்றனர்.

Monday, July 16, 2012




BSNL டவர்கள்  ரிலையன்ஸ் கம்பெனியோடு பங்கீடு?

BSNL தனது டவர்களை (RIL-Reliance Industries limited) ரிலையன்ஸ் கம்பெனியோடு பங்கீடு செய்துகொள்ளப்போகிறது என பைனான்சியல் எக்ஸ்பிரஸ் பத்திரிக்கையில் செய்தி வெளியாகியுள்ளது.

ரிலையன்ஸ் கம்பெனி 4G சேவையை (broadband wireless access or BWA) இந்த வருடக் கடைசியில் துவங்கவிருக்கிறது.

இன்றைய மார்க்கெட் நிலவரப்படி மாதம் ரூ.15000 முதல் ரூ.18000 வரையுள்ள வாடகையில் 20 சத தள்ளுபடி விலை செய்து ரூ.12000 என மாத வாடகையை BSNL நிர்ணயம் செய்யப்போவதாக தெரிகிறது.

ரிலையன்ஸ் செய்தி தொடர்பாளரிடம்  இதைப்பற்றிக்கேட்டபோது கருத்துக் கூற மறுத்துவிட்டார்.
BSNL CMD திரு.உபாத்யாயா அவர்கள் பைனான்சியல் எக்ஸ்பிரஸுக்கு அனுப்பியுள்ள செய்தியில அனைத்து மொபைல் ஆபரேட்டர்களுடன் BSNL டவர்களை பங்கீடு செய்வதற்கான உடன்படிக்கை நிறைவடையும் நிலையில் உள்ளது. தற்போது டெல்லிக்கு வெளியில் மீட்டிங்கில் இருக்கிறேன்”.

Wednesday, July 11, 2012

ஜூலை 2012 முதல் உயர்த்தப்படவேண்டிய IDA 4.8%க்கான DPE உத்தரவு வெளியாகியுள்ளது.

BSNL உத்தரவு விரைவில் வெளிவரும்.

Sunday, July 8, 2012

GPF பட்டுவாடா

GPF பட்டுவாடா...

GPF பட்டுவாடா சம்பந்தமாக கார்ப்பரேட் அலுவலகம் புதிய நெறிமுறைகளை அறிவித்துள்ளது.
விண்ணப்பங்கள் பிரதிமாதம் 20ந்தேதிக்குள் தரப்படவேண்டும்.
25ந்தேதி  ஒப்புதல் பெறப்பட்டு

முதல் வாரத்தில்  பணமிருந்தால் மட்டுமே GPF பணப்பட்டுவாடா செய்யப்படும்.
GPF பட்டுவாடாவிற்கு சில ஒழுங்குமுறைகளை ஏற்படுத்துவதில் தவறில்லை. ஆனால் பணமிருந்தால் மட்டுமே என்பது சரியல்ல.
GPF என்பது ஊழியர்களின் சேமிப்பு பணம். அதை  தடுப்பது நியாயமற்ற செயல்.
தலமட்டங்களில் GPF என்பது ஊழியர்களின் மாதாந்திர வாழ்வாதார பிரச்னை.
ஆகவே உடனடியாக தலையிட்டு பிரச்னையை தீர்க்க வேண்டும் என மாநிலச் சங்கம் மத்திய சங்கத்தை வலியுறுத்தியுள்ளது.